LYRIC / PARODDI / PARULLE / CANTI

Mi parloni di un locu
Indu’ tandu si baddaia ancu in Tallà
Barc’ à Zonza era un focu
Incesu da Laretu à Surbuddà

Sin’à l’alba buddiani omini è donni
Incù piaceri di campà
Quì ci hè natu l’amori, fratiddanza o passioni
Un mondu à biffà

Tarra di i sgiò indu’ si campa sempri
Oghji più chè mai à l’usu paisanu
Fattu di granitu o di petra uchjata
U to pavimentu mai ùn invechja

Un culori, un muscu
È tutti ci muviami in Livia
Quandu u piattu hè buscu
In i pattataghji si staghjia

Di Auddè o di Quenza una vita ch’ùn pianta
Incù piaceri di campà
Quì ci hè l’aria divina, di una Madonna Bianca
Un mondu à prigà

Tarra di i sgiò indu’ si campa sempri
Oghji più chè mai à l’usu paisanu
Fattu di granitu o di petra uchjata
U to pavimentu mai ùn invechja

Ugni maistosa cima l’accumpagna
Alcudina, Bavedda, u Spidali è Cagna
Alta Rocca u to nomi ci arrega
Com’è un sonniu mistiriosu ch’omu prega

Alta Rocca…

Svegliu dIsula


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.