LYRIC / PARODDI / PARULLE / CANTI

NARRATORI :
In a pievi d’Attallà, Quand’è lu soli trabocca
Steti à senta la lighjenda, Chì corri di bocca in bocca
A lighjenda di Rinucciu, Rinucciu di la casa Rocca
In a pievi d’Attallà, Quand’è lu soli trabocca

POPULU :
Natu bastardu s’hè fattu signori
Fattu signori hè mortu banditu

RINUCCIU :
Altra scola ùn fù par mè ch’è archibusgi è balestri
E’ chì farravu à l’inverciu, i me più cavaddi lestri
E s’è mai ùn fubbi servu, un ebbi mai maestri
E s’è mai ùn fubbi servu, un ebbi mai maestri

NARRATORI :
Ind’è l’ochja di Sirena
Vissi a stedda di l’amori
Chì lucicava ab eternu
In fondu di lu so cori
Tandu li deti un cunventu
Da fanni u so spannacori
Ind’è l’ochja di Sirena
Vissi a stedda di l’amori

POPULU :
Natu bastardu S’hè fattu signori
Fattu signori Hè mortu banditu

RINUCCIU :
Fù par edda la me moglia
Ch’e scuzzulai lu pesu
D’ a me razza d’a me sorti
E di lu me sangui offesu
Par edda ch’e duvintai
Solu signor’ cinarchesu
Par edda ch’e duvintai
Solu signor’ cinarchesu

NARRATORI :
Da Cinarca la gluriosa, Finu à la Roccataddata
Da Barici à Senetosa , è Roccapina infiarata
Contru à lu ghjinuvesu, cuminciò la so cruciata
Da Cinarca la gluriosa, finu à la Roccataddata

RINUCCIU :
Tandu mi so presu a machja da la sorti culpitu
Sciuvarendu lu camminu, di Libartà fiuritu
E currarà la lighjenda, ch’e mi ni morsi banditu
E currarà la lighjenda ch’e mi ni morsi banditu

POPULU :
Natu bastardu s’hè fattu signori
Fattu signori hè mortu banditu

 

Paulu Desanti / Marcu Valentini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.