LYRIC / PARODDI / PARULLE / CANTI

Pardonu, Diu, Pietà I
Pesa quissu cantu in mè
Par un passu à strascina
I più dulenti ohimè

Pardonu, Diu, Pietà !
Ugnunu canta par sè,
Prega, ma vol’ghjudicà
I me piccati ; è sapè

A Pinitenza ch’eiu facciu qui,
U sguardu piattu daret’à pocu fiatu.
S’idd’hè urgogliu, o vargogna, è parchi
Aghju scelt’oghji d’ess’à vita mucatu.
È po’ chi rimpattu ?

Pardonu. Diu. Pietà !
Cù issi squard’in codd’à mè
Perdu la me dignità
E la primura di me.

Pardonu, Diu, Pietà !
U dulori cresci in mè
E lu cori più nun sê
S’edd’he par mali o par be.

A Pinitenza ch’eiu facciu qui
Sarà scimizia o sarà fedi à veru ?
E chi pinsà d’issu casticu chi
Si paga lu pardonu cù l’addisperu ?
Po esse sinceru ?

Pardonu, Diu, Pietà !
Lacu la me forze qui…
Bastarà la vulintà
Sole par pudè fini ?

Pardonu, Diu, Pietà ?
Mi fermu solu cusi
Tuttu si finisci avà
E qual’mi pudara di

Sè la Passioni ch’eiu feci qui
Fù scumissa, o scimità, o vera fedi ?
Sarà più lebbiu lu casticu di
L’omu chi, ancu par urgogliu lu sceddi ?
Qual’oghji lu credi ?

Pardonu, Diu, Pietà !


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

ANNUNZIA