LYRIC / PARODDI / PARULLE / CANTI

Fammi ghjira
Fammi di oimè è vultà
In li tempi landani
Di quand’eramu sempri qui
Fammi turnà
In paesi è lasciami pinsà
Chi u tempu beatu
Si rammenta in un valsu avà

Badda qui a vita in quattru passi
U tempu chi scappa è chi passa
Dui avanti è po’ dui di latu
A to strinta mi faci sugnà
Dui amanti, ricordi è passatu
U marosu mi faci viaghjà

Fammi viaghjà
Ritruvè la me più bedd’età
Dammi li me vint’anni
Issu sussuru chi ferma à di
Falli sunà
Issi paroli d’amori è cantà
Da ricusgia la storia
Fammi torna spirà

Dimmi qui l’avvena in quattru passi
U tempu chi franca è chi passa
Dui avanti è po’ dui di latu
A to strinta mi faci sugnà
Dui amanti si sò ritruvati
E u capu mi torna à ghjirà

Fammi ghjirà
Fammi di oimè è vultà
In li tempi landani
Di quand’eramu sempri qui
Fammi turnà
In paesi è lasciami pinsà
Chi u tempu beatu
U mi faci baddà.

Baddà qui a vita in quattru passi
U tempu chi scappa è chi passa
Dui avanti è po’ dui di latu
A to strinta mi faci sugnà
Dui amanti si sò ritruvati
E u valsu mi faci viaghjà


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

ANNUNZIA