LYRIC / PARODDI / PARULLE / CANTI

Se’ mossa è ùn socu parchi
Lachendu li stradi di qui
Presi li steddi lu to fiatu
Ti ni se’ mossa tù culà
Lachendu l’ori suspirà
Pà iss’urisonti oghji stantaratu

Ma senti ghjà
Cinneradda cara
Sè tù i voli cuntà
I ghjorni fiumara
Quant’è tù li sà
Chi la vita ùn sichi amara

Pensu è ripensu
A la noscia Finuchjaghja
Sutt’à issa lumera laghja
Eppo’ l’ochji immensu
Di quidda a luna
Chi à l’anima cusi s’affuna

Se’ mossa è ùn socu chi fà
Qualissu hè l’Urienti à truvà
Da senta la to risa à pena
Un la sentu più ribumbà
Par quiddi loca chi avà
Mi so radica quant’è catena

Ma senti ghjà
A me cinnaredda cara
Sè tù a voli cantà
Quidda stunda rara
Lascia li viaghjà
I to surrisi in l’alba chjara

Pensu è ripensu
E un pinseri mi veni
Mi frighjini tanti peni
Batticori immensu
Par tena à menti
La to vita in i me pienti

Hè una chjalza da fiuri
Un celi sempri à culuri
E issu tempu chi ùn sà più fini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.