LYRIC / PARODDI / PARULLE / CANTI

Lingua in punta di a lingua
Quandu dici è quandu ùn dici
Lingua di i tempi infidi
Lingua di i tempi amichi
Lingua di tantu rigiru
Pè campà u mondu vivu
Per esse è per esse bè

Emu bisognu di tè
Emu bisognu di tè
Emu bisognu di tè

Emu bisognu di tè
Pè ùn esse for’ di ghjocu
Emu bisognu di tè
Pè ùn perde filu indocu
Pè tene incesu u focu
Di l’amore di stu locu
Per esse è per esse bè
Emu bisognu di tè

Emu bisognu di tè
Quand’è no simu luntanu
Emu bisognu di tè
Quant’ è di strette di manu
Pè piglià ci ne un veranu
Di ricordu paisanu
Per esse è per esse bè

Emu bisognu di tè
Emu bisognu di tè

Cum’è di pane è cumpane
Emu bisognu di tè
Cum’è d’acqua à e funtane
Cum’è di sole à a mane
Cum’è l’oghje d’un dumane
Per esse è per esse bè

Emu bisognu di tèe
Emu bisognu di tè

Quandu hè tempu di prutesta
Emu bisognu di tè
Pè stà ritti in la timpesta
Pè dì è pè tene testa
Pè u dolu è pè a festa
Per esse è per esse bè

Emu bisognu di tè
Emu bisognu di tè

Pè avè postu in stu mondu
Emu bisognu di tè
Quantu u viaghju hè longu
Emu bisognu di tè
Per esse in lu vugatondu
Per esse è per esse bè

Emu bisognu di tè
Emu bisognu di tè

Ghjuvanteramu Rocchi / Felì Travaglini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.