LYRIC / PARODDI / PARULLE / CANTI

Settembre chjode e porte di l’estate
U sole pocu à pocu intepidisce
ln celu qualchì nulu face strisce
U ventulellu annunzia rinfriscate

Si sente pochi canti è soni fora
Partuti sò l’amichi cun i parenti
Si contanu à chjosi ochji i statinanti
I zitelli dinù di punta à a scola

I vechjarelli in fila spinu à u muru
Si piglianu u calore di l’appossu
Ramintendusi pianu u tempu scorsu
A giuventù passata in gran’ sussuru

Settembre si ne và giovani fieri
Voi altri l’oru vivu di u vaghiime
È u focu casanu di ste cime
A fuga chì cacciava i penseri

Settembre si ne và duve campate
Vo sapessite quantu vi speremu
Diteci si stu sonniu hè cusì scemu
Di vede torna pieni lochi è case

Ghjuvanteramu Rocchi / Felì Travaglini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.