LYRIC / PARODDI / PARULLE / CANTI

Quantu tempu passatu à vulè rifà u mondu
Quandu tempu passatu à circà la una via
Di ghjorni spenserati ch’o ti rigaleria
Ghjorni di vita quenta in lu nostru circondu
Un la sapeti tantu ch’ella si tesse in dui
A tela di l’amore a furtuna di casa
Passata a timpesta si schjarisce a strada
A feremu oramai inseme si tu volì

Ùn ti n’andà ùn ti n’andà
L’alba si pesa nova è ci chjama à campà
Ùn ti n’andà ùn ti n’andà
Chì lu nostru l’amore Hà l’amore à inventà
Chì u nostru l’amore Hà u mondu à inventà

Inseme si tù voli i ghjorni d’incertezza
S’ellu ciancia u core s’ella frighje a pena
E diceremu pianu di voce ch’asserena
E parulle chi sanu discità a carezza
Inseme si tù voli cum’è la ti piacia
Torna da seriu à risa intricceremu u ghjocu
E l’amore di tandu rinatu in lu so focu
Ferà ride dinù a vita chì ridia

Ùn ti n’andà ùn ti n’andà
L’alba si pesa nova è ci chjama à campà
Ùn ti n’andà ùn ti n’andà
Chì lu nostru l’amore Hà l’amore à inventà
Chì u nostru l’amore Hà u mondu à rifà

G.T. Rocchi / Felì


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.