LYRIC / PARODDI / PARULLE / CANTI

Vogliu cantà a tristezza di le to stonde
So di pernu l’ore è di sangue li passi
E more l’omu è ride l’assassinu
Di stu populu infermu di pettu à la digrazia

Vogliu cantà l’albe nere chi so le toie
A to verità si scrive in la pistola
E more l’omu è bellu l’assassinu
Annantu à la to salma è per la so vittoria

Vogliu cantà l’isula turnata macellu
Tante viulenze ti so tante catene
E more l’omu è canta l’assassinu
Di veste ti di dolu è nutrisce e to pene

Vogliu canta ch’ogni voce porta sperenza
A chi ferma mutu mantene altu lu muru
E more l’anima di firmà di silenziu
E s’impone superbiu u regnu lu più scuru

Vogliu canta ch’ogni voce porta sperenza.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.