LYRIC / PARODDI / PARULLE / CANTI

Zitelluccia di Rumenia
Chi mi feghji scunsulata
Cu li to ochji affannata
Sentimi a me una cria
Hè finita la tristizia
Ti ne vogliu da nutizia

Zitelluccia chi mi feghji
Senza vede altru in giru
Tagliatu m’ai u rispiru
È i sintimi imbuleghji
Pensu a ogni zitellina
Di li ricordi pulvina

Zitelluccia chi ti lagni
Pianu pianu ind’u lettinu
A u to sguardu induvinu
Guai quant’è tu accumpagni
È cum’ellu ti fu greve
U tempu chi a vita deve

Zitelluccia chi ti teni
U mio ditu ind’a to manu
Cum’e da di pianu pianu
A u furesteru : « veni ! »
M’ogliu sta vicinu a tene
A cunsula le to pene

Zitelluccia chi si nata
Ind’un marture paese
Ind’una storia a le prese
Chi sera la to spannata ?
Fa chi bella ora ne sia
O populu di Rumenia !

Ghjacumu Fusina \ Jeff Leschi \ Michel Cacciaguerra


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.