LYRIC / PARODDI / PARULLE / CANTI

Un puderaghju cullà, dumane à lu Tribbiolu
Incù li mio amichi à la caccia perchè lu mio coro hè in dolu
Diana ùn ci sarà più, è mi senteraghju solu.

Quandu elli l’ampareramu sta dumenica matina
I cumpagni cacciadori sta nutizia ghjalatina,
Ch’ella si n’hè morta DIANA, di le cucchje la regina.

N’hà cacciatu tanti è tanti cignali di la vadiola,
In vistica o puru in corsa ne paria una ciola,
Ella era sempre la prima, a mio cucchja pediola.

Oramai sò finite e battute per Traghjettone,
Un e senteremu più e mosse da lu Puntone,
Di le to corse o DIANA, si ne parlava in cantone.

Avà ponu stà sicuri i cignali in Garganera
È puderaghju rientre più di honora la sera,
DIANA un ci sara più, un mi pare mancu vera.

L’aghju vulsuta interrà in piazza di la funtana,
Vicinu à la so casetta, bella sposta à la sulana,
Per arricurdacci sempre di cio ch’elle era DIANA.

Marcel Tristani \ Michel Cacciaguerra

 


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *