LYRIC / PARODDI / PARULLE / CANTI
Da isse loche brusgiasangue à serenu impastate,
Da issi monti basgiaventi tante stonde azzicati,
Sò di radiche è di ghjente,
Di ricocchi è intrecciate.
Cantanu le voce mori l’armunie mare è terra,
Da tremanne mille cori
E fà cresce l’idea vera.
Fiume d’oru diviziosu d’annacquanne tante terre,
Assaziendu lu maremondu, ùn cunnosce le fruntiere,
A fiumare scanellate,
Da infruttà mente è manere.
Cantanu le voce mori l’armunie mare è terra,
Da tremanne mille cori
E innalzassi a preghera.
Chjerchju umanu spannacantu d’una leia trinitaria,
Piglia fiatu à lu fraternu per un ansciu d’armunia,
Si ne sparghje, voce unite,
Da basgià la ghjente varia.
Cantanu le voce mori l’armunie mare è terra, Bis
Da tremanne mille cori
E turnassine bandera.
Voce Mori.
Esse.
No comments yet