LYRIC / PARODDI / PARULLE / CANTI

Stonde di gioie la sera
In i fuconi fumicosi
Cù le fole dopu cena
Accantu à la brosta rossa
E dopu in la notte nera
Si diventa peurosu.

Babbone contava storie
Incù mammone à la pignatta
Mamma ella sempre fora
Curava la so infurnata
Babbu sempre in la machja
Turnava la so bandata.

E stonde sottu à i castagni
A ombria è à sulia
Cù le spine in la manu
O quant’ellu si suffria
Un basgiucciu di mammone
E tandu si ripartia.

O le stonde per li prati
A rotte à fughje in le filette
Ghjunghjiamu tuttu sfiatati
A l’orlu di lu « Puzzettu »
E tandu quelle inciuffate
Facianu i più belli effetti.

Eppo le stonde spaventu
A la ghjunta di l’inguernu
Tandu soffiava lu ventu
E ci portava l’affannu
Mamma è babbu à lu tempu
Un devianu dà capu.

Isse stonde oghje sò finite
Ancu e fole sò fughjite
Noi simu bè ingrandati
E qualcosa avemu capitu
Chi la vita hè ingrata Bis
E chi nunda hè graditu.

Esse.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.