LYRIC / PARODDI / PARULLE / CANTI
Eiu avia una ghjallina
Chi facia ogni matina
Un bellu ovu
Ava sò quindeci ghjorni
Ch’eo la cercu in sti cuntorni
E chi ùn la trovu.
Eiu ci pensu mane è sera
A la mio ghjallina bianca
Capinera
Chi venia à manghjà in manu
Granone, orzu è granu
E risella.
Sò falatu in pullinaghju
E ne aghju custattatu
Custattatu
Chi lu ghjallu più nun manghja
Da quantu ch’ellu si lagna
Addisperatu.
Si la volpa hè l’assassina
Di sta povera ghjallina,
Ch’ella morga
Ch’ella vaca à malafine
Cun tuttu lu so razzinu
In una borga.
S’ella hè stata a billulaccia
Chi li hà suchjatu lu sangue
Ch’ella crepi
Ch’ella sbattuleghji l’anca
A u pede d’una ficaccia
Senza preti.
S’ellu hè statu u falchettu
Chi un colpu di scuppettu
Lu sfracelli
Ch’ellu vaca a malafine
U nemicu di e ghjalline
E di l’ocelli.
Si per una scurpacciata
Capinera fù arrubata
Fia prò
Chi per fà un bon’prudettu
A u malatu benedettu
Chi a manghjò.
In tantu chi a mè ghjallina
Mi facia ogni matina
Un bellu ovu
Ava sò quindeci ghjorni bis
Ch’eo la cercu in sti cuntorni
E chi ùn la trovu.
Esse.
No comments yet