LYRIC / PARODDI / PARULLE / CANTI
Sopra à u lagu di Lancone
Ci hè muvrella, ci hè muvrella
Chi pasce indù l’arbicella
Vicinu à mente è criscione
Sopra à u lagu di Lancone.
Sopra à u lagu di Lancone
Naviga la mio muntagna
E lu sole l’accumpagna
Induve l’acula si pone.
Induve l’acula si pone.
Ci hè quassù la mio muntagna
Un bellu lagu dinù
E lu sole ci si bagna da quassù…
Ci hè quassù la mio muntagna
U mio lagu ci hè dinù
E lu sole ci si bagna da quassù, da quassù…
In una grotta luminosa
Ci canta la mio surghjente
Chi mi richjara la mente
Mi cunsola è mi riposa
In una grotta luminosa.
Indù sta grotta luminosa
Ci stò bè fin’ch’ella dura
Ma quaghjò ci hè la pianura
Sempre in brama di qualcosa.
Sempre in brama di qualcosa.
Ci hè quassù la mio muntagna
Un bellu lagu dinù
E lu sole ci si bagna da quassù…
Ci hè quassù la mio muntagna
U mio lagu ci hè dinù
E lu sole ci si bagna da quassù, da quassù…
Esse.
No comments yet