LYRIC / PARODDI / PARULLE / CANTI
Maladi vogliu l’umacciu
Chi d’estate tutti l’anni
Senza teme li disguasti
Senza misurà li danni
Zinga focu à li machjoni
Brusgia à Cirnu, li so panni.
Quandu asciuttu hè lu terrenu
Cunsuntu da la sicchia
Quandu la legna incastola
E s’incrustula l’umbria
Di la terra di bellezza
Ne face una desertia.
Ma nun ti trema la manu
Ma nun ti casca lu fiatu
Un senti di la cuscenza
Lu puzzicume tenace
Quand’è tù giri ste coste
Per imburri la furnace.
Lava puru le to mani
E strufina o falzò ne
A l’acqua di le surghjente
Ciotta è netta la to faccia
La tacca chi t’ai addossu
Un ci hè acqua chi la caccia.
O mostru di vive indegnu
Ma chi strana frenesia
Di sempre scatinà fiare
Per biscoce ciò chi cria
Chi tù secchi cum’è ella
E vaca à la malavia.
O corsu, qual’è tù sia
Più nun lascià fà dispettu
A la to terra chi pienghje
La so sorte addulurata
A quellu chi face u male Bis
Ch’ella ùn sia pardunata !
Esse.
No comments yet