LYRIC / PARODDI / PARULLE / CANTI
Sott’un tendone à u ventu
S’hè alzata una preghera
Chi sò tanti à sciaccamanà
Tantu s’alza forte una spera !
Dice ch’un ghjornu canterà
Rivittulitu un giuvannottu
Chi a so voce moverà
Di rigiru cù un patriottu.
C’hè un scalone à francà
Per u fiatu è l’anche sguestre
E duie calle da barcà
Per tante cuscenze maestre. Bis
Per a terra chi dorme soda
A memoria chi ci revene
A sole piattu a sole forte
U sangue corre in le to vene !
E si d’altri qual’hè chi sà
Piglianu listessu destinu
Nant’à u chjassu anu da spuntà
L’ultime petre di u caminu.
C’hè un scalone à francà
Per u fiatu è l’anche sguestre
E duie calle da barcà
Per tante cuscenze maestre. Bis
Senza guerra dice una voce
Ch’ellu si ferà lindumani
Cun sullaccaria in i cori
Una prumessa in li so mani !
E si d’altri qual’hè chi sà
Piglianu listessu destinu
Nant’à u chjassu anu da spuntà
L’ultime petre di u caminu.
C’hè un scalone à francà
Per u fiatu è l’anche sguestre
E duie calle da barcà
Per tante cuscenze maestre. Bis
No comments yet