LYRIC / PARODDI / PARULLE / CANTI
À Rigoberta Menchù…
Nantu à e petre di l’altiplano
E in Santa Rosa un poi più stà
Ti ne vole u capurale
Chi ti seguita, ti vole tumbà !
Tacenu u nome di Rigoberta
I cumpagneri in u to locu
Di a so vita anu pagatu
I to parenti di sangue è focu.
Tu chi ai vistu u dolu
Di ste muntagne, si clandestina
E ti dumandi perchè l’omu
Di a so pace tomba u destinu.
Anu spiantatu i to culori
Neru hè u lagnu chi traccore…
E s’acconcianu tempu è ghjorni
U nucente cù u so dulore…
Mà prestu ghjunghjerà lu ghjornu
Per una ghjustizia ti voli salvà
Vede cù i to ochji stanchi
E sponde nove di libertà.
L’omu chi si piglia a culomba
Mai l’eternu truverà
Sempre e voce d’addisperu
E’u sò stridu senterà.
Giramondu.
No comments yet