LYRIC / PARODDI / PARULLE / CANTI

Aghju intesu che vo site
Di e donne a più bella
E chi voi in vi vestite
Ca di seta è da dantella
A m’hà ghjurata sta mane
In piazza zia trinichella
S’ell’un sò fole ne canti
Mi facciu un passu davanti.

Aghju intesu chi vo fate
Bone cene è cullazione
Piatti rari priparate
Cù pacenza è devuzione
Quessa a tengu per certa
Da zia Lucia trippone
S’ell’un sò fole ne canti
Mi facciu un passu davanti.

Aghju intesu che vo lacate
A nisunu in penitenza
Cù e porte spalancate
A notte di priferenza
Quessa pò a m’hà fiscata
Ziu Ghjuvan Petru cuscenza
E cusi mi ne stò chetu
Voltu trè passi daretu.

Giramondu.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.