LYRIC / PARODDI / PARULLE / CANTI

Ind’a scurezza citadina,
Ind’un scornu d’una strettina,
Appena in altu, c’hè scrittu un nome ;
In Maghju d’u quaranta trè,
N’ùn si sa mancu oghje perchè,
Quì in Aiacciu, hè mortu un omu.

Ripigliu:
E si chjamava resistenza,
Si chjamava ancu sperenza
A raggio di u so luttà ;
Unu di più assassinatu,
Unu di più chì hè cascatu
Per ch’ella vinci a libertà.

Spuntava l’alba cristallina
Quandi cume ogni matina
A u travagliu si n’hè andatu ;
Falava à l’appasponi e strette
Quandu i suldati maladetti
Senza raggiò l’hanu tumbatu.

Vulemu esse li fratelli
D’i clandestini, d’i ribelli
Ch’avianu altu lu isu,
Di quelli chì si sò battuti
E chì sò morti à voci muti,
Tutti i to pari, o Lavisu.

Da Corsica, Francia o altrò,
I figlioli morti in priggiò
A nome di a Sant’ Unione.
Per tutti quelli mentre a guerra
Chì sò cascati per a so terra,
Aghju fattu questa canzona.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.