Simu di ‘sse culture
Minuritarie è sole,
Di ‘sse storie scure
Smenticate da i libri di scole.
Viaghjemu per e strade
Di ‘sse lotte di u core,
Di ‘sse lingue passate
E prestu distinate à more.

Eiu brammu un prisente
Di nova fratellenza,
E ch’inde la nostra mente
Ella rinasci la cuscenza.
Populu meiu,
Populu corsu,
Ti dumandu eiu
D’esse tè senza rimorsu.

Ripigliu:
Camperemu, camperemu,
In memoria d’una terra è d’un’identità;
Camperemu, camperemu,
Per alzà lu nostru avvene in libertà.

N’ùn vogliu più stà zittu
Contru à l’intulerenze,
E per u dirittu
A tutte e nostre diferenze.
Cantemu lu passatu
Di tutte e nostre vene,
E di lu nostru fattu
Ci custruiremu un avvene.

Altri canti cu A Lingua D’Inde Noi ##

• A Lingua D’Inde Noi
• Canteraghju
• Donna
• Fulena Di Stelle
• Hè A Sola
• Hè Cascatu U Muru
• Ma Si Vivu
• Paglia Orba
• Resistenza
• Una Fata