LYRIC / PARODDI / PARULLE / CANTI

Issa vita nant’à u screnu
Quant’ella mi face trimà
Mi pare cum’un velenu
Tantu ti vole stancà

Ti facenu torna crede
Chì ci vole à ricummincià
Eo ti mandu tanta fede
Chì noi a pudemu fà

A sò chì vale a pena
È chì u sole hà da vultà
Hè quellu chì sumena
Chì si trova un serà

Dà mi u to core
Pè sperà
Dà mi u to core
Solu pè sperà

È a terra sempre ti rende
S’è una grana li sai dà
È in lu celu più grande
Una stella t’aspetterà

Chì sott’à li nostri tetti
Manca pocu pè sunnià
Facenu male li so detti
È po piattanu l’al di là

In le cime ch’è tù sai
Ci hè un solcu à tirà
Ùn ti ne fà di li guai
Una funtana ti derà


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.