LYRIC / PARODDI / PARULLE / CANTI
Pè inventà l’adunite
È sunnià ci altre vite
Nant’à ogni penseru
Di stu mondu furesteru
Pè pensà le più vere
Nant’à l’idee nere
Ti portu un curagiu
Pè sti celi un ragiu
Pè mandà longa lena
In la strada serena
È à chì mondu crede
Di chì più bella fede
Chì ti manca… chì ti manca…
Un nunda basterà
Chì ti manca… chì ti manca…
D’un nunda si ferà
Pè sperà le più ghjuste
In le vittorie fruste
Leghju in le to mane
Beiu à ste funtane
Pè rifà le ste mure
Di l’annate più dure
Ti pregu furtuna
È più longa la funa
Pè truvà quelle strade
Quandu nunda ci accade
Ci hè l’amore di Mamma
È a to voce chì chjama
Marc Ventura / Fabrice Andreani
No comments yet