LYRIC / PARODDI / PARULLE / CANTI

Possu andà à i quattru venti
Francà le torna e fruntiere
Strade quantu mi n’inventi
Pè ritruvà ciò ch’è tù ere

Dì mi quale hè chì e cunsola
Tutte le toie e pene piatte
Quandu a sera ne volti sola
U core quale u sente batte

Cum’una ferita ch’ùn guarisce più
U più bellu amore u m’ai datu tù
Dì mi quandu   Bis

Di mi quandu
Leghjerai ciò ch’eo ti mandu
Ciò ch’aghju scrittu una sera
Ancu per tè s’ella era vera
A vita ch’emu fattu tandu

Possu andà e terre luntane
Parte cù una valisgia piena
Hè sempre in le to mane
Ch’eo vecu s’ella vale a pena

Dì mi quale hè chì u ti cura
U focu per ùn lascià lu spinghje
Si di mè ùn ai più primura
S’è tù mi voli torna stringhje

Cum’una ferita ch’ùn guarisce più
U più bellu amore u m’ai datu tù
Dì mi quandu  Bis

Di mi quandu
Leghjerai ciò ch’eo ti mandu
Ciò ch’aghju scrittu una sera
Ancu per tè s’ella era vera
A vita ch’emu fattu tandu  Bis
Dì mi quandu  Bis


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *