LYRIC / PARODDI / PARULLE / CANTI

Sta sera mi sò decisu, chi n’aghju la mente ferma
Di mette mi a tavulinu, carta, calamaru è penna,
Per fà ti duie canzone, chi la me manu ùn mi trema.

Mancu lu core mi trema, la cosa hè bella spiecata,
A notte cum’è lu ghjornu, pensu à la mio innamurata,
Chi si chjama Maddalena, è mi hà discioltu ogni pena.

Quandu vi aghju dumandatu, à lu caminu in salottu,
M’avete toccu la manu è m’avete strintu l’ochju,
Oghje mi vultate e spalle, fate cum’è le farfalle.

Fate cum’è le farfalle, ingannate da le stelle,
S’elle sò tutte cusi, in paese, le zitelle,
Chi di prumette è manca, ùn s’averebbe da fà.

Finiscu chi mi dà pena, à parlà di lu m’amore,
Vogliu dumandà quantunque una grazia à lu signore
Ch’ellu mi tenghi in salute, sempre cun listessu core. Bis


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.