LYRIC / PARODDI / PARULLE / CANTI

Tù si lu mio candidu fiordalisu
Lu me più dilettu surrisu
Sbucciatu ormai per stella
E per strada lu me campà.

E fate accinte à lu to viculellu
Dedinu in regalu l’anellu di le virtù
Di e bellezze, di più è di più.

Tù si lu mio fiore inveranitu
Lu me infernu è paradisu
Raccoltu ormai per scaldà
E impenserà lu me campà.

E fate accinte à lu to viculellu
Dedinu in regalu l’anellu di le virtù
Di e bellezze, di più è di più.

Avà, quandu ne venerà ferraghju
Ne serà più dolce u viaghju
E u ramentà di quella ormai
Addurmentata, tempi fà.

E fate accinte à lu to viculellu
Dedinu in regalu l’anellu di le virtù
Di e bellezze, di più è di più.

Cum’è li santi acelli di le fole
Bramendu à u celente, lu sole
Da ch’ellu ùn si chjodi lu libru
Averai, figliola, lu t’ascosu nidu.

E fate accinte à lu to viculellu
Dedinu in regalu l’anellu di le virtù
Di e bellezze, di più è di più.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.