LYRIC / PARODDI / PARULLE / CANTI
Eccu la me Maddalena
Eccu la me Turturella
O la me arba barona
O la me arbaculella,
Quella chi nasce di branu
In la bocca la misicella.
Arrizzati, o Maddalena
Primenati in lu giardinu,
Chi ci hè tanti fiori sparti,
Spicu è rosulu marinu,
Senza tè, li nostri fiori,
Un ghjettani odori à nimu.
S’è l’affaccu à lu balconu,
Vidaraghju à l’altri fora,
Ma tù ùn ci sarè micca,
U me fiore di la viola,
Chi sparghjicheghja l’onori,
Tantu in casa com’è fora.
No comments yet