LYRIC / PARODDI / PARULLE / CANTI

E avà ch’emu da fà si a sperenza si more,
Dumane chi serà si lu sognu si ne và
Avà ch’emu da fà si ci cappia la sorte
Si ci piglia la notte, ùn si po più viaghjà.

Face più di vint’anni ch’un populu dicia
Cun fede è cun fervore, tuttu hà da cambià
Face più di vint’anni ch’un populu cridia
Di salvà la so lingua è parlà la dinù.

Avà ch’emu da fà s’omu perde l’onore
S’ellu ùn ci hè più valore, di noi chi fermerà ?
Avà ch’emu da fà s’ellu ùn ci hè più avvene
Per giuventù chi spera, avà ch’emu da fà ?

Ci anu da caccià qualchi lege per ride
Da fole in canzone, ci anu da purtà,
Ci volenu lampà in un tremendu abbissu
Chi di la terra antica ùn si parlerà più.

Ma si brama chi dumane surgerà l’alba nova
Chi l’omi indiati vuleranu chjamà
Nigendu sta voce maladetta di a storia
Cursichella hè tinta è peghju anderà !

Ma si brama chi dumane surgerà l’alba nova
Chi l’omi indiati vuleranu chjamà
Mughjendu inseme ste parulle cù stintu
Chi la cursichella hè fatta per campà
Campà per lu sempre cù tutti i so figlioli
Figlioli di a so terra è di l’umanità
Chi la cursichella hè fatta per campà.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *