LYRIC / PARODDI / PARULLE / CANTI
trà li cantoni vechji chi lu ventu staffila
trà li pianuri avvinti di fiumaricciu arghjentu
è l’abbrucatichieti quandi vaghjimu fila
so issi voci tinuti quand’ugni ora hè di stentu
com’è suspiri grevi à li spini ghjimbati
Ripigliu:
lochi mondu lochi mondu lochi mondu
cu issa lingua chi feci mimoria d’ugni vita
cu li so poghja scritti in li ghjorna infialsati
e la sarra cunfina indu l’alba s’arrimita
so issi visi per sempri à issi petri liati
Ripigliu
com’è issi pochi stundi chi l’inguernu rispara
com’è issi timpurala ch’omu credi nimichi
o lu soli chi svaca a so chjarura para
so issi tempa li mei è di pochi castichi
so di cio chi ci ferma cio chi oghji ci abbissogna
Ripigliu
com’è mondu chi fu chi un s’attorga di sonnia
com’è l’ultimu creda ch’un ricordu richjara
com’è l’uchjata prima chi firmo tistimonia
par nutri lu me sciva à la so poca fiara
No comments yet