Forse u sole avia amparatu à u tonu di piattà a so luce daret’à un tendone
Forse l’acqua dicia à e mille surghjente di pudè dà la vita à millaie di ghjente
Forse a terra avia in ella u furore chì m’ai datu tù ogni mane à bon’ora
Forse n’aghju amparatu fole è parolle ingir’à e to spalle sempre aperte o bà

Forse l’ora serena avia una fine per fà nasce più belle l’ore anderine
Forse u fustu finu di a mo zitellina avà scopre beatu una nova matina
Forse chi a mo terra mi l’ai data tù sempre cusì sinceru chjamendu mi o ciù
Forse chi a to voce avà hè cum’un filu ch’eo lasciu corre in darnu daret’à tè o bà

Forse chi l’uceanu è u neru marosu sò quì per fà cappià u core amurosu
Forse chi a timpesta è a bianca saetta sempre s’intricceranu sempre mi l’ai detta
Forse chi a mo pelle hè fatta da a toia è chi pensendu à què rinascerà a gioia
Forse chi a mo pena un hè in l’universu ch’è una goccia spapersa a lacrima per tè

Diana Saliceti

Altri canti cu Forse ##

• Aiò
• Caldamoni
• Citadella
• È po più
• In i to ochji
• Libaru
• Sola
• U mo paese

Scantariza

• Libaru
• Lamentu di Nicoli
• Aiò
• È po più
• Caldamoni
• In i to ochji
• Sola
• Citadella
• U mo paese