LYRIC / PARODDI / PARULLE / CANTI

umu soffia u Libecciu in u toiu u paese ?
Cumu canta a malacella in i to carrughji appesi ?
Cumu campi tù o caru, u mo doppiu u mo paru ?
Cumu campi è cumu mori ? Aiò !

Aiò femu lu sparisce iss’universu di catene
Femu noi rinvivisce e funtane di l’avvene
U mo doppiu, u mo caru, cerca à scurdà e ghjasteme, aiò ! aiò !

Cumu pienghje u veranu in i to monti brusgiati ?
Cumu brusgia l’attrachjata in i to ochji beati ?
Cumu canti, tù o caru, u mo doppiu u mo paru ?
Cumu canti è ghjochi à carte ? Aiò !

Aiò femu le rinasce isse muntagne paisane
Femu noi inghjallisce tutte isse miserie umane
U mo doppiu u mo caru, cerca à ùn mai più teme, aiò ! aiò !

Cumu dorme u zitellu annanatu in i to bracci ?
Cumu li parla lu mare per piglia lu è fà lu parte ?
Cumu pienghji tù o caru, u mo doppiu u mo paru ?
Cumu pienghji è cumu tombi ? Aiò !

Aiò femu lu ghjucà issu zitellu in u ventu
Femu lu puru cascà per amparà li u stentu
U mo doppiu, u mo caru, cerca puru à suminà, aiò ! aiò !

Cumu campi, cumu mori ?
Cumu scrivi tù a storia ?
Cumu campi, cumu mori ?
Cumu scrivi tù a storia ?

Cumu face u to mondu sempre viotu è sempre tondu ?
Cumu face a to manu per sciappà è po alzà ?
Cumu credi tù o caru, u mo doppiu u mo paru ?
Cumu credi è cumu preghi ? Aiò !

Aiò femu la vugà st’isula cum’un battellu
Vele alzate anderà u nostr’amore ghjuvellu
U mo doppiu, u mo caru, cerca puru à amà, aiò ! aiò !
U mo doppiu, u mo caru, cerca puru à campà, aiò !


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.