LYRIC / PARODDI / PARULLE / CANTI
Simu vicinu è luntanu
Simu pari è sfarenti
Cumu hè chì a mo voce
In u to core ùn ci entre
T’aghju datu a mo alma
T’aghju brusgiatu a pelle
Sò firmata cum’è persa
In u to mondu paganu
Cori, cori, colmi è calmi
Ùn serete mai più
passione, o care, o cari
Hè una volte è po più
Simu forti è simu piatti
Simu noi è simu l’altri
Cumu hè chì u mo core
In e to mani, ùn batte più
M’ai datu e prumesse
À l’albore è à a Diana
Sì partutu ùn ci pò esse
Chè di u mo core sta nanna
Cori, cori, colmi è calmi
Ùn serete mai più
A passione, o care, o cari
Hè una volte è po più
Simu quì è simu quà
Simu colmi è simu in sbassu
Cumu hè chì u mo fiatu
Si mette à cantà dinù
T’aghju lacatu l’odore
D’un amore guadagnatu
U sudore di u tempu
Mai ùn l’averà sguassatu
Cori, cori, colmi è calmi
Ùn serete mai più
A passione, o care, o cari
Hè una volte è po più
Cori, cori, colmi è calmi
Ùn seremu mai più
U mo core, colmu è calmu
Si mette à cantà dinù
No comments yet