LYRIC / PARODDI / PARULLE / CANTI

S’è tù guardave à a finestra
Ci viderie i mo pulmoni
Quant’elli vanu à a lestra
Per creà ventu è calafroni

Ci viderie u meiu u mondu
Apertu à i to centu sogni
È puderiamu girà tondu
Cum’è issi dui zitelloni

Ma tù sì zittu, ingutuppatu
In un silenziu animale
Cum’un lione affannatu
Dopu avè tombu e donne gialle…

S’è tù guardave nant’u portu
Ci viderie e meie e nave
Pronte à andà à mare forte
Per arrubà e toie chjave

Ci viderie o caru meu
Chì u marosu ùn pò tumbà
U desideriu ch’aghju eu
Di pudè ti tantu basgià

Ma tù sì piattu, vituperatu
In a to casa citadella
Ti contu un amore sunniatu
Incesu in celu cum’è a stella

Ma tù sì piattu, vituperatu
In a to casa citadella
Ti contu un amore sunniatu
Incesu in celu cum’è a stella …

S’è tù guardave à a finestra
S’è tù guardave à a finestra
S’è tù guardave à a finestra

S’è tù guardave…

Diana Saliceti


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.