LYRIC / PARODDI / PARULLE / CANTI
Soffia un trattetu caldu
Nant’a un’aghja guardiana
Quaghjò fondu à lu valdu
Fiscanu falce è furlana
A sierra è diggià in ballu
Nu i chjosi à sulana
I baroni elli so pronti
A riceve à tribbiera
L’accuppiata di li boi
E pale per a spulera
E le vuciate di babbu
Da la matina à la sera
U sole a capulata
Si cumpiera la ghjurnata
U talavellu incruciata
Ficatu per a nuttata
Alluntanerà à streghe
Di u granu cusi stantatu
Po culleranu è mule
Cù i sacchi è u baccinu
Per misura a raccolta
Ringraziendu à San Martinu
E purtendu nu à sporta
Brocciu, lonzu, fritelle, vinu
S’accuncerà la tratoghja
A coppia è i stallavelli
Dopu una bella manghjata
Cù à fiancu i zitelli
Dopu una bella cantata
À u pede di l’arbitrelli
Dimmu à quist’annu chi vene
À la prussima stagione
Azzinghenu e catene
In lu vechju baraconne
Chjuvendu daretu à noi
U pisiu caterone
No comments yet