LYRIC / PARODDI / PARULLE / CANTI

Isula d’oghje quale si
A mezu à l’onda suminata
Barca chì move è ùn s’affonda
Per suffià sempre a ventata
Nantu a so terra à scunfini ?

Isula d’oghje chì ci chjami
Quandi u sognu hè à u veranu
Chì tuttu face testimoniu
A lu misteru più arcani
E mette à u core i so liami.

Isula cruda chì si perde
A forza altiera di e virtù
Quelle chì ti facenu fiera
A l’ochji di a ghjuventù
Si u to Palazzu ùn hè più verde.

Isula mea fà chì dumane
Ch’ellu ne sbucci torna un fiore
Ch’elli si piantinu i cartucci
Per fà piazza à lu t’amore
A u travagliu è à u pane.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.