LYRIC / PARODDI / PARULLE / CANTI
Scusate o madamicella
S’o vi svegliu qui sta sera
La mio dolce culombella
Rosula di primavera
Chì per me site a più bella
O la mio capelli negra
Aghju francatu e campagne
Sotta soli è tempurali
Vulatu cume l’altagne
A bughju è senza fanali
Lavatu e mio macagne
A l’acqua di li spisciali
Per voi a mio innamurata
Canteraghju notte è ghjornu
Signurina tanta amata
V’aspettu à cant’à u fornu
Pigliate a mio casata
Chì per me ghje sempre un sognu
Ava se vo permetite
Vi vuleria carezzà
Per imbellisce e vostre dite
Un anellu vi vogliu dà
Per guari e mio ferite
Vi vuleria spusà
Aprite a vostra porta
E venite cù me fora
Chjamu per l’ultima volta
Venite ch’avà ghje ora
Sta bella notte ci porta
A fiurisce u nostru amore.
No comments yet