LYRIC / PARODDI / PARULLE / CANTI
U passu d’a notti à l’alba d’un bichjeru
E li versi d’eri n’i caneddi ghjuvanili
U ghjaciu chì si strughji in un trostu d’addiperu
E tanti lumi baddani par un andata veranili
E voci di a notti so tutti arraghiti
U fumu è i lagni ne sarani a causa
I risi so miseria i surrisi feriti
E tanti lumi baddani par una festa ghjilosa
L’occhji di a notti so pieni di russori
Fora u cotriu ci secca l’alba spalancata
I menti ùn ci so più ch’impiuti di dulori
E tanti lumi baddani ricordu d’abbrugata
Qui si parla d’amori, è si ghjoca di morti
Ognunu si fighjula si cerca è si distrughji
Ma li notti so pieni di falsi malasorti
E tanti lumi baddani in u celu chì fughji
A ghjuventù si cappia è creda d’essa ghjunta
I vecchji ùn ci so più, hè prova di lu so mundu
A notti porta a festa è scumetti un assunta
E tutti baddani i lumi d’un chjerchju tondu
No comments yet