U celu grisgiu citadinu Ella face tuttu turchinu, E per brusgià li mio penseri, Hà l’ochji di centu mazzeri ; E quandu eiu sò tristu una cria, Ella empie tuttu d’allegria, Per tumbà tutti i mio rancori, Hà l’ochji di l’arcu di culori. Quandu di tuttu aghju abbastanza, Di la mio casa, di la mio […]

O Catalina Andava à a scola, A son’ di viola La vogliu purtà. Marcucciu è Pittistu, A son’ di viulinu, Sò briachi di vinu, Un ponu più cantà. Ghjuvanninella Oghje si marita, Hè tutta merzita, N’ ùn po più parlà.

Eccu ch’hè ghjunta l’ora di l’ùltima partenza In cerca di ‘ssi lochi di sonniu è di sperà, Lu ventu di a mio vita, tutt’à a so impazienza Versu à d’altre sponde prestu si sparghjerà. Eccu ch’hè ghjuntu u tempu di l’ùltimu viaghju Nant’à e strade torte di qualchì altru veranu ; A Luna è le […]

N’ùn pudia più campà Senza medicina alcuna ; N’ùn pudia più campà Senza vinu o bierra bruna; Beve, zingammi è fumà, Hè troppu strinta la funa. Aghju lampatu in lu focu ‘Ssi ferri di schjavitù, Licori di qualchì locu, Vinu, pastizzu è Cardhù ; Finitu, più n’ùn mi drogu, Chì la mio droga sì tù. […]

Farandola di note parechje, Nanna per lu t’ansciu insunnulitu Chì mi sussura pianu à l’arechje Mille sponde d’un viaghju infinitu. Ripigliu: Zitella Stasera sunnieghju di tè, Zitella Stasera eiu dormu cun tè. Un’odore chì si piatta leggera, Un purtellu apertu versu Aprile, Una manu carezzante è sincera Cume un raggiu di sole veranile. Hà furatu […]

V’aghju à cuntà, amichi, una storietta vera, Corciu Ghjuvan-Natà, chì lu m’ amicu era, A ghjente li carcava d’offese, Scaccanava, li trattava di tontu di u paese. Ripigliu: Spassighjava cun volpe, muvra, ricciu è cignale, Chì li prestava tanna, sere di tempurale. Stàtem’à sente, ‘ssa strufetta hè di u lucale, Stàtem’à sente, ballata pè Ghjuvan-Natale. […]

Tondu Lu corpu di l’amore biondu Tondu cume po esse u mondu Ch’aspetta una nova presenza. Tondu, Agrottu caldu è prufondu Chì piatta tuttu in lu so fondu U fiatu novu di a sperenza. Tonda, Ghjàrcalu chì pichja è chì gronda Chì sfrombuleghja la so onda Per scavassi d’altre cunfine. Tonda, Lu mio core balla […]

Chì appennuccia di a forza di sta tarra Venga tuccà e corde di la mio ghitarra Per ch’ella soni più forte è più chjara, Cù appennuccia di a forza di sta tarra. Chjamu li venti tutti carchi di melodìa Per fammi sparte u sicretu di l’armunìa E ch’u viaghju sìa d’allegrìa, Chjamu li venti tutti […]

Quandu canti, eiu cantu cun tè libertà, Quandu pienghji, piengu anc’eiu à fiumara, Quandu tremi, eiu pregu per tè libertà, Gioia o dolu ti tengu cara. T’arricordi di ‘ssi ghjorni di straziera, Terra meia, di catene, priggione è galera. Quandu canti, eiu cantu cun tè libertà, E quandu sì assenta si spera. Quale sì, riligione, […]

Unicorna, fatina Tù voce chjara di spiscina, Alta sapienza traculina, Tù arcu di scienza. Unicorna, fatina Tù ch’ùn hai micca cunfina, Schjarìscemi a strada divina Di a cunniscenza. « Ti mustreraghju a vìa Chì va da sulana à umbrìa, Tandu da cuscenza à tuntìa Apri la to mente. Serà longu u viaghju Ma saviezza t’ampareraghju, […]