LYRIC / PARODDI / PARULLE / CANTI

Eccu ch’hè ghjunta l’ora di l’ùltima partenza
In cerca di ‘ssi lochi di sonniu è di sperà,
Lu ventu di a mio vita, tutt’à a so impazienza
Versu à d’altre sponde prestu si sparghjerà.

Eccu ch’hè ghjuntu u tempu di l’ùltimu viaghju
Nant’à e strade torte di qualchì altru veranu ;
A Luna è le stelle incù tè scopreraghju,
Tandu veni cun mè, tènemi puru a manu.

Ripigliu:
Ghjè l’ùltima partenza,
Si compierà quì lu viaghjone
Di sonniu è di sperenza,
Chì hè què l’ùltima canzone.

Ti ringraziu à tè chì m’hai datu u caldu,
E cun quale aghju spartu e mio bramme stasera,
D’un pezzu d’u mio core t’aghju fattu rigalu
Per megliu sunnià quandi a notte hè nera.

Ti ringraziu per tuttu lu curaggiu datu,
Di mughji in pichjamani trà le mio riturnelle,
Chì malgradu a bughjura m’hanu illuminatu
Di millaie di fiare chì parìanu stelle.

A tè ch’aghju da lascià dedicheghju ‘ssu cantu,
Ma prima di piantà ti vuleria dì
Chì serà grazie à tè chì camperà l’incantu,
Tuttu anderà bè tantu chì serai quì.

Ripigliu:
Ghjera l’ùltima partenza,
Si compierà quì lu viaghjone
Di sonniu è di sperenza,
Era què l’ùltima canzone.

Prima di a prùssima..!


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.