Cenere, ventu è vite à caternu Inserciditi li cori chì chjamanu in darnu Ma l’amore ci fù Ed’hè firmatu, principessa A’dì ti di tù In li to passi incerti ver’di e bracce sparte Ci hè Mammata chì ride, Mammata scumparte Tepidi sonnii è grazie tante Chì t’avvignanu, principessa Da ch’elle sò tamante Annant’à qualchi vechju […]
Visioni care
Ancu s’à ùn videraghju più La mio terra prima di more, A mio patria a mi portu in core E l’aghju sempre à tù per tù Vegu u so celu gonfiu è tesu Cum’è un preziosu ballacchinu Sopr’à i paesi lu marinu L’empie tuttu è l’alza di pesu. Vegu e so coste innargentate Ch’ella riccama […]
Memorie
I giardini ch’o aghju passatu Oghje mi parenu un desertu U ventu ci corre à l’apertu Spulendu rena d’ogni latu L’acqua hè sparita, ogni libbiatu S’hè intisichitu è u core incertu Dice aghju gosu aghju suffertu Fattu e mio lotte o sunniatu Di tanta vita Ùn hè ristatu à a memoria Ch’è una visione impuverita […]
A’l’altru mondu
A’l’altru mondu, u tempu hè longu Ci stà l’eternità E’m’ha pigliatu à tempu natu Di mè chì n’hà da fà O cara Mamma u paradisu Hè grande cum’è tè E’s’è ti chjamu à l’improvisu S’arricummanda à mè Santa Maria a to sumiglia Ùn nu mi lascia più E mi cuntentu, è mi ramentu Cum’è s’ell’era […]
L’attesa
Una ripa di terra in core pè l’eternu E’stu surrisu caru voltu versi l’avvene Un passu chì andarà senza più malapena E’lochji abbagliulati nantu à u mare paternu Quant’hè strana l’attesa Una sguatra di fiure più nere ch’è u dolu Un avvampu di focu chì affoga u rispiru Tuttu ciò chì si more senza oncia […]
Tempu
A vita lega à corda lena Vanu le stonde par vultà L’ora si chjama libertà More la gioia eccu la pena U tempu corre à corda lena U tempu corre à brilla sciolta Porta l’amichi è lu piacè Si ne vanu luntan’da tè Quelli d’oghje è quel’d’una volta A vita fila à brilla sciolta A […]
Sì
Sì granu a mio casa, di granu Fragatu da l’antivistu sole Chì puru di tè n’ùn seppe nulla Sì fola u mio granu, di fola Innamurata à bagnu Sott’à e spisce di qualchì rè vadu Sì fumaccia a mio fola, di fumaccia Appinnulata si in l’albitru Chì sgotta bachi da prucaccià Sì cesta a mio […]
Tbilissi
Di u nucente ai li tratti Battaglie tante u t’oghje hè stancu Di miseria chì ti volse stà à fiancu Da l’alba prima sai li patti Tbilissì Cum’è un passu ch’ùn s’impaziente Cum’è un cisu ch’ùn s’arritira Sì tempu chì passa, sì omu chì spira Patena lasciata da l’eternu errente Tbilissì Sì sonniu di nottetempu […]
Dormi
S’hè intratalatu lu ghjornu S’ammansa folta, la notte Più sole, più cennu, più sorte Dormi Mì chì s’appiccianu l’ochji E’m’aghju da stà quì à vighjà A invintà ti tesoru, unu scuruzzulà Dormi Cum’ellu deve pienghje è cantà Brame, u’rè chì n’ùn ebbe U rè chì n’ùn ebbe U rè chì n’ùn hà Dormi Sentí, a […]
Tra’noi
À Anton’Francescu Filippini Issa lingua di i mei grazia à voi fù quella Chì incantava le sere di a mio zitellina Issa lingua di i mei grazia à voi fù bella Quant’un’alba di maghju, un sfogu d’albaspina Trà noi ci fù lu mare è u tempu chì u face Trà noi li bisesti di e […]
