LYRIC / PARODDI / PARULLE / CANTI

Annant’a lu monte Niellu
Si truvereti un muntagnolu
Chi campa solu ind’un casellu
Agrottu di u muntagnolu.

E la so vita hè naturale
Hè quella d’un omu accampatu
Ellu hà ricusatu lu male
Ch’infrebba lu monte arrabiatu.

O stonde cari è preziosi
Passati in la so cumpagnia
A senta cuntà tante fole
U core sempri in allegria.

Ghjunzi vaghjimu ghjastimatu
Per la muntagna infredulita
E l’inguernu s’hà purtatu
L’ultimu soffiu d’una vita.

Annant’a lu monte Niellu
Ci campava un machjachjolu
Oghje hè mutu ancu l’acellu
A natura hà persu un figliolu.

Annant’a lu monte Niellu
Ci campava un machjachjolu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.