LYRIC / PARODDI / PARULLE / CANTI
A lu spunta di lu ghjornu
Quandu sona la campana
Ci truvemi tutt’intornu
In piazza in la funtana
Per cullacci in muntagna
Passà una settimana.
Per cullacci in muntagna
Passà una settimana.
Lasciemu u nostru paesi
Passemu per l’usciatellu
Ci pizzica lu muntesi
Falla lu monte niellu
I fiori sò tutti stesi
In li prati da lu ghjellu.
I fiori sò tutti stesi
In li prati da lu ghjellu.
Franchendu lu cudizzollu
Per la strada petricosa
Scuntremi un omu solu
Nant’à un monte si riposa
Salutemi lu pastori
Di puntu à l’aghja vintosa.
Salutemi lu pastori
Di puntu à l’aghja vintosa.
Ci aviemu pianu pianu
Da culand’a la fiumara
S’avvicina lu veranu
Volta è gira la farfalla
E sparita ancu a nevi
Da rama à petra mala.
E sparita ancu a nevi
Da rama à petra mala.
Ascosi in lu fiuminali
Ci aquistemi una stonda
Per beie in cumunioni
A l’acqua pura è prufonda
Chi salta in lu ghjuvalli
Sott’a la piscia di l’onda.
Chi salta in lu ghjuvalli
Sott’a la piscia di l’onda.
Qui finisce lu viaghju
A l’ortu di lu casali
L’arbi nant’a lu terraghju
Sò sbucciatu in fiori gialli
Chi carezza cun amori
L’aria di li pastricciali.
Chi carezza cun amori
L’aria di li pastricciali.
Quandu si chjina lu soli
Daret’a la falcunaghja
A ghjuventù reunita
Canta è sona intorn’a l’aghja
E a paghjella risona
Da li monti à la piaghja.
E a paghjella risona
Da li monti à la piaghja.
No comments yet