LYRIC / PARODDI / PARULLE / CANTI

Vogliu cuntà u passu di a me vita
Una verità chì dici senza pietà
U novu campà di a vechja sucietà
D’antichi muntagnoli, d’antichi machjaghjoli.

Hè persa a libertà pà ùn essa salvata
A guerra hà amazzata a nostra vechja razza
Quaddru anticu di u vechju ritratu
Ricordi di quiddi chì sò smariti.

Sò l’omu corsu ch’un voli micca mora
Mez’à sucietà chì sgrana a me ora
Di a vita è a morta, oghji vogliu cantà
Ciò chì si chjama a nova sucietà.

Prati di grani, sempri lavurati
Nant’a tribbiera vi seti addurmintati
Artisgiani antichi, seti stati affuccati
Traditi à l’alba nova, seti stati annicati.

U lumi hà scambiatu l’ùltima candella
A zilia illuminata oghji si spingnia
Pà lascià a piazza à u spechju chì parla
È chì porta a nutizia di u mondu malatu.

Sò l’omu corsu chì campa a so’cultura
Mezz’a sucietà chì manghja è chì strughja
L’anticu campà pà a nova andatura
Chi ricusa sempri a nova sucietà.

U fiumi a piaghja, u paesi chì cantà
U vechju è u ziteddu chì cuntani a so’gioia
Muntagna sacra chì porta è chì tramanda
U sonniu benedettu ind’un locu maladettu.

Mà crescia u fiatu di a vera spirenza
A nova libertà truvarà i so valori
Cù a paci vultata di a nova cuscenza
U lumi di u Signori splendarà di culori.

Sò l’omu corsu ch’un voli micca mora
Mez’à sucietà chì sgrana a me ora
Di a vita è a morta, oghji vogliu cantà
Ciò chì si chjama a nova sucietà.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.