LYRIC / PARODDI / PARULLE / CANTI

Di u vint’ottu di lugliu
O chì ghjornu assignalatu
Nì cudava pà i prati
U fucacciu spatrunatu
U paesi di I Peri
S’appruntava à l’assaltu.

S’infiaravani i lecci
E nemenu i castagni
È di l’anticu buschettu
Si sintiani i lagni
Si vidia parta in fumi
A somma di tanti travagli.

In fondu di i rughjoni
Si sintia mughjà u ventu
Da i poghji à i cantoni
L’aria purtava spaventu
È da sopra à i mattoni
Rimori di tradimentu.

L’omi tutti adduniti
Da vicinu o da luntanu
À chì purghjiva l’acqua
À chì a so frasca in manu
Si battia pà issi machji
Pà ùn senta u nostru affanu.

L’ùltimu d’issu scumpientu
U ti mandu omu vanu
Tù chì brusgi i nostri lochi
È chì porti tantu danu
Tema à Diu è l’omu fieru
A quali tù brusgi u granu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *