LYRIC / PARODDI / PARULLE / CANTI

Qual’hè ch’ùn hà sunniatu
D’ess’un ghjornu un aceddu,
Di bulà sempri più altu
À a ricerca di i steddi.

Scuprendu sanna a natura
A carrezza di l’aria pura,
Basgiendu ancu a virdura
Di i lochi i più oscuri.

Discitatu pà l’alba turchina
Chì si batti cù l’orizonti
A sgaghjà torna una via
Pà u Rè soli trà i monti.

Mà azzicatu da u ventu
Chi sdramina i so lamenti
Senti risunnà tanti pienti
L’ànima trista di i surghjenti.

T’alègrani tutt’i tesori
Di prati suminati à fiori
A furesta piena à rimori
Bagna a to’vista di culori.

Sè tù ti ricunnosci o corsu
À l’aceddu di stà canzona
Parti fieru carcu à passioni
À l’assaltu di pinzaloni.

À scopra muntagni è nivoni.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.