Ne hè brusgiatu a virdura
Tuttu negru hè lu pughjale
Hè morta oghje a natura
L’Omu hà fattu stu male

U focu hà varcatu e creste
Infiammatu cun furore
Maghja boschi è fureste
In ogni locu u malore

Si diventatu assassinu
Chi porti tu, lu spaventu
Ai compiu lu destinu
Mezu à fiamme è à u ventu
Di lu bravu pasturellu
Mortu, in cima à lu chjusellu

Si ne hè siccatu u guadellu
Piu acqua ind’u fiuminale
Cunsumatu l’uticellu
Perchè ne si criminale ?

Ai cacciatu la vita
Brusgiatu tuttu u liccetu
Porti tu, la calamità
Ferma un solu castagnetu

Si diventatu assassinu
Chi porti tu, lu spaventu
Ai compiu lu destinu
Mezu à fiamme è à u ventu
Di lu bravu pasturellu
Mortu, in cima à lu chjusellu

Ai fattu di stu locu
Un disertu abbandunatu
Tu, lu scemu di lu focu
Ne sera cundannatu

I Messageri

Altri canti cu D’isule esiliati ##

• A chjama
• D’isule esiliati
• In li to ochji

Scantariza

• Sessant’anni ad avà
• Era cusì
• T’aghju in la mente
• U sole di mezzanotte
• Avà
• Forza di l’esse
• Aduni
• Lasciami sperà
• Una via
• In li to ochji