Sempre quassù per isse cime caccighjendu lu cignale
Eiu coglie le mio rime nantu à le piume di l’ale
D’un culumbellu turchinu chì mi ti porta vicinu
D’un culumbellu turchinu chì mi ti porta vicinu

Vole l’amicu di core lu to persicu fiuritu
Un ghjornu prima di more esse lu to preferitu
Fattu m’ai la scumessa di tena la to prumessa
Fattu m’ai la scumessa di tena la to prumessa

Vecu chì spunta lu fiore in cima di le calanche
E spessu esce lu sole à mezzu à le nulle bianche
Prestu la faremu inseme O caruccia le vindemie
Prestu la faremu inseme O caruccia le vindemie

Aiutami o signori sta notte lu celu hè chjaru
Da lu bughju à lu chjarore ùn possu fà contu pare
Accurdatemi issa grazia chì lu dolce ùn torni amaru
Accurdatemi issa grazia chì lu dolce ùn torni amaru

M.Tristani / I Messageri

Altri canti cu D’isule esiliati ##

• D’isule esiliati
• In li to ochji
• Pasturellu

Scantariza

• Sessant’anni ad avà
• Era cusì
• T’aghju in la mente
• U sole di mezzanotte
• Avà
• Forza di l’esse
• Aduni
• Lasciami sperà
• Una via
• In li to ochji