LYRIC / PARODDI / PARULLE / CANTI
Mi sbatte in mente è mi cunsola
Quand’ella vene à dì a fola
Bianca di sciuma più ch’è sale
Una vela chì sparghje l’ale…
Mi spiomba in core è mi palesa
Una buriana chì si pesa…
Si sparghje a tela turchina
Di sognu è d’alba cristalina…
Ripigliu
D’una voce sola simu
D’isule figlii
Eppò d’esilii
A l’eccu di l’alte cime
D’una voce sola simu
Mi cresce in senu un lindumane
Tessutu à parolle isulane
Un scalu à l’orlu di a brama
Per una terre chì mi chjama…
Ripigliu
D’una voce sola simu
D’isule figlii
Eppò d’esilii
A l’eccu di l’alte cime
D’una voce sola simu
Patrizia Gattaceca / I Messageri
No comments yet