LYRIC / PARODDI / PARULLE / CANTI
Vecu à nant’à l’acqua i riflessi d’altronde
I dissegni invintati da e fate marine
È a dolce carezza di l’ore matutine
M’invita à u viaghju per’sse stese prufonde
Fidà mi à u ventu
È lascià mi purtà
Vecu à l’infinita corre i raghji d’oru
Alliscendu u celu, basgiendu a cunfina
È una voce linda, una voce turchina
Mi dice veni quì à coglie’ssu tisoru
Fidà mi à u ventu
È lascià mi purtà
Fidà mi à u ventu
È lascià mi purtà
S’è i sogni sò centu
Centu ne vogliu fà
Vecu à l’ore stillate cellu è mare cunfusi
In u stranu cumbugliu u mondu sottu sopra
È in ogni artifiziu chì a natura adopra
Annicà si l’angosce è i sperà dilusi
Fidà mi à u ventu
È lascià mi purtà
Vecu à u fà di l’alba’sse fiure dissinsate
’ Ssi culori scimiti esse torna armunia
È fraià u mio sguardu d’un morsu di sulia
Rinnuvendu a chjama à tante passighjate
Fidà mi à u ventu
È lascià mi purtà
Fidà mi à u ventu
È lascià mi purtà
S’è i sogni sò centu
Centu ne vogliu fà
Jean-Yves Acquaviva
Vitalba
No comments yet