LYRIC / PARODDI / PARULLE / CANTI

Bella si cum’è u ghjornu
Quand’ellu hè prontu à sbuccià
E infiarà u cuntornu
Dolce si cum’è u mele
Chì ne sà inzuccarà
E to lapre è a to pelle

Si cum’è l’alba
Chi mi scalda
È m’imbriaca
Chì mi cunsola è pò guarisce ogni piaca
In u mio core

Feconde sò e to tarre
Stese immense à suminà
Da coglie e stonde care
Sicrete sò e to sponde
I to catagni à svilà
Tanti sogni sanu asconde

Si cum’è l’oru
D’un tesoru
Chì spampiglia
Ê chi acceca à chì u vede, à chi u piglia
In u so core

È per tè ne vogliu scrive
Quant’elle sò dolce à vive
E mio stonde à u to fiancu
Scrive quantu sò fatate
E to ire, e to risate
È pò u to sguardu francu
Pè u mio core

Si cum’un fiume
Mossu di sciume
È d’acque pure
Chi si ne fala è inveranisce l’ore sciagure
In ogni core

 

Parolle è musica : Jean Yves Acquaviva


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *